कञ्चनपुर- कञ्चनपुरमा लागूऔषध खैरो हेरोइनसहित प्रहरीले दुई जनालाई पक्राउ गरेको छ। इलाका प्रहरी कार्यालय र सशस्त्र प्रहरीको बोर्डर आउट पोष्ट (बिओपी) बेलौरीको संयुक्त गस्ती टोलीले बेलौरी नगरपालिका–६ को सीमा क्षेत्रबाट दुई जनालाई १ ग्राम ८७० मिलिग्राम खैरो हेरोइनसहित पक्राउ गरेको हो।
कैलालीको धनगढी उपमहानगरपालिका–३ चटकपुर बस्ने २० वर्षीय अभिषेक राना र लालझाडी गाउँपालिका–२ कञ्ज बस्ने १९ वर्षीय विजय रानालाई पक्राउ प्रहरीले पक्राउ गरेको हो।
दुबै जनाको साथबाट सु प प्र ०१–००९ प १३२ नम्बरको मोटरसाइकल र ०१–००९ प ६१६५ स्कुटी पनि बरामद गरिएको छ।
