धनगढी– बैंक तथा वित्तीय संस्थाहरुले बढाएको चर्को ब्याजदरविरुद्ध सुदूरपश्चिमका उद्योगी व्यापारी आन्दोलनमा उत्रिएका छन् । नेपाल उद्योग वाणिज्य महासंघ सुदूरपश्चिम प्रदेशको अभिभावकत्वमा यहाँका उद्योगी, व्यापारीहरु आन्दोलनमा उत्रिएका हुन् ।
आइतबार कैलाली उद्योग वाणिज्य संघले पत्रकार सम्मेलनको आयोजना गर्दै सुदूरपश्चिम प्रदेशमा सोमबार (भोलि)देखि चरणबद्ध आन्दोलन गर्ने जानकारी गराएको हो ।
कैलाली उद्योग वाणिज्य संघका अध्यक्ष पुष्पराज कुँवरले भोलि (सोमबार) १५ गतेदेखि देखि २० गतेसम्म चरणबद्ध आन्दोलन गरिने बताए । उनका अनुसार प्रत्येक दिन बिहान ११ बजेसम्म बजार बन्द गर्ने, १८ गते कुनै पनि बैंकमा बचत नगर्ने (नो डिपोजिट) र २० गते प्रदेशमा सम्पूर्ण उद्योग वाणिज्य संघबाट संघर्ष समिति गठन गर्ने कार्यक्रम छ ।
लामो समयदेखि आन्दोलन गर्दा पनि सरकारले सुनुवाई नगरेपछि बजार नै बन्द गरेर आन्दोलनमा उत्रिनुपरेको उनले बताए । ‘यो चरणबद्ध आन्दोलनबाट पनि समस्याको समाधान नभए थप आन्दोलनका कार्यक्रमसहित अगाडि आउँछौं,’ अध्यक्ष कुँवरले भने । फागुन महिना भित्र माग सम्बोधन नगरेर संयुक्त छलफल गरेर आन्दोलनलाई थप सशक्त गरिने उनले बताए ।
उनका अनुसार धनगढीमा सोमबार बिहान ९ बजेदेखि धनगढी चौराहाबाट आन्दोलन सुरु गरिनेछ ।
यस्ता छन् आन्दोलनका कार्यक्रम
