जनकपुरधाम- प्रहरीले ठूलो परिमाणमा गाँजासहित एउटा ट्रक र चालकलाई नियन्त्रणमा लिएको छ । मधेश प्रदेश प्रहरी कार्यालय जनकपुरधामबाट खटिएको प्रहरी टोलीले शुक्रबार जनकपुरधाम–ढल्केवर सडकखण्ड अन्तर्गत लक्ष्मीनियाँमा १ सय २४ किलो गाँजासहित ट्रक चालकलाई पक्राउ गरेको हो ।
ना ७ ख ४२५१ नम्बरको ट्रक चालक मकवानपुरको हेटौंडा उपमहानगरपालिका–८ मनहरी बस्ने शन्तबिर दोङलाई प्रहरीलेपक्राउ गरेको छ ।
ट्रकभित्र जस्तापाताले घेरेर लुकाएर गाँजा लगिरहेको अवस्थामा प्रहरीले फेला पारेको मधेश प्रदेश प्रहरी कार्यालयका प्रमुख जनक भट्टराईले बताए । उनले मकवानपुरबाट भारततर्फ गाँजा पठाउने योजना रहेको हुनसक्ने बताए ।
