धनगढी– सुदूरपश्चिम प्रदेशमा सवारी दुर्घटनामा परेर एक वर्षको अवधिमा १९६ जनाको मृत्यु भएको छ । आर्थिक वर्ष २०७८र७९ मा ६ सय ७३ सवारी साधन दुर्घटनामा परेर १ सय ९६ जनाको मृत्यु भएको हो । मृत्यु हुनेमा १५३ जना पुरुष, २७ जना महिला र १६ जना बालबालिका रहेको प्रदेश ट्राफिक प्रहरी कार्यालयले अत्तरियाले जनाएको छ ।

ट्राफिक प्रहरीका अनुसार यस अवधिमा ३ सय ५६ मोटरसाइकल, १ सय ३ जीप कार, ६० ट्याक्टर, ३२ ट्रक ट्याङ्कर, ३१ बस, २४ टेम्पो, १० टिपर, ४ माइक्रो, तीन डोजर लोडर, ३१ साना सवारी र १० अन्य सवारी साधन दुर्घटनामा परेका छन् ।

यस्तै सो अवधिमा भएका सवारी साधन दुर्घटनामा परेर ३ सय ९५ मम्भिर र ६ सय ६ जना सामान्य घाइते भएका छन् । गम्भिर घाइते हुनेमा २ सय ८३ पुरुष, ७३ महिला र ३९ बालबालिका रहेका छन् । त्यस्तै सामान्य घाइते हुनेमा ४ सय १७ पुरुष, १३९ महिला र ५० बालबालिका रहेका छन् ।

प्रदेशमा आथिर्क वर्ष २०७७र७८ मा ७ सय ८३ सवारी साधन दुर्घटनामा परेर १ सय ८७ जनाको मृत्यु भएको थियो । सो अवधिमा १ हजार ९६ जना घाइते भएका थिए । आर्थिक वर्ष २०७६र७७ मा ३ सय ८६ सवारी साधन दुर्घटनामा परेर १ सय ४३ जनाको मृत्यु भएको थियो ।

एक वर्षको अवधिमा ३१ चौपायाको पनि मृत्यु भएको छ । राजमार्गमा भएका सवारी दुर्घटनामा परेर ३१ चौपायाको मृत्यु भएको हो । यस अवधिमा १० चौपाया घाइते भएका छन् ।

५ करोड ४१ लाख राजश्व संकलन
ट्राफिक प्रहरीले एक वर्षको अवधिमा सुदूरपश्चिममा ५ करोड ४१ लाख ९४ हजार रुपैयाँ राजश्व संकलन गरेको छ । सवारी कारबाही बाफत ट्राफिक प्रहरीले आर्थिक वर्ष २०७८र७९ मा उक्त रकम संकलन गरेको सुदूरपश्चिम ट्राफिक प्रहरी कार्यालय अत्तरियाले जनाएको छ । सो अवधिमा ९७ हजार १ सय ९ सवारी साधनमाथि कारवाही गरिएको छ ।

जसमा सबैभन्दा बढी मोटरसाइकल कारवाहीमा परेका छन् । १ यस अवधिमा ३५ हजार ४ सय २५ मोटरसाइकल कारवाही गरी २ करोड २ लाख ६९ हजार ५ सय राजश्व संकलन गरिएको छ । त्यस्तै २३ हजार ९४८ जीप कार कारवाही गर्दै १ करोड २८ लाख ५४ हजार राजश्व संकलन गरिएको प्रदेश ट्राफिक प्रहरी कार्यालयले जनाएको छ ।

सो अवधिमा १५ हजार १३६ ट्रक कारवाहिमा परेका छन् । जसबाट ८६ लाख ४० हजार राजश्व संकलन गरिएको छ । यस्तै ४ हजार २३४ बस कारवाहीमा परेका छन् । जसबाट २३ लाख ७० हजार राजश्व संकलन भएको छ । प्रदेश ट्राफिक कार्यालयका अनुुसार ५ हजार ४६९ अन्य सवारी साधन कारवाहीमा परेका छन् । जसबाट २९ लाख ८७ हजार राजश्व संकलन भएको छ ।

आर्थिक वर्ष २०७७र७८ मा ट्राफिक प्रहरीले ७९ हजार ८९ सवारी साधन कारबाही गरी ४ करोड ५७ लाख ६७ हजार राजश्व संकलन गरेको थियो भने आर्थिक वर्ष २०७६र०७७ मा ५६ हजार १ सय ५३ सवारी कारवाहीमा ३ करोड ३१ लाख ९९ हजार ५ सय राजश्व संकलन भएको तथ्याांक छ।