काठमाण्डौ- मोरङमा आगलागी हुँदा एक जनाको जलेर ज्यान गएको छ । गएराति ११ बजे सुन्दरहरैचा–११ बेलेपुरमा रहेको बालकृष्ण गिरीको साढे दुई तले घरमा आगलागी हुँदा त्यहाँ डेरा गरी बस्ने बेलबारी नगरपालिका-११ घर भएका ३८ वर्षका कुमार श्रेष्ठको ज्यान गएको हो ।
प्रहरीका अनुसार ज्यान गुमाउने श्रेष्ठले रङ लगाउने काम गदै आएका थिए । राति सुतेकै अवस्थामा उनको ज्यान गएको हो । विद्युत् सर्ट भएर आगलागी भएको हुनसक्ने अनुमान गरिएको छ । घटनाको अनुसन्धान भइरहेको प्रहरीले जनाएको छ ।
