धनगढी । उद्योग वाणिज्य तथा आपूर्ति मन्त्री दामोदर भण्डारीले नेपालमा लगानी भित्र्याउन निजी क्षेत्रसँग सरकार सहकार्य गरेर अघि बढ्ने कुरा भइरहेको बताएका छन । आज सुदूरपश्चिम महोत्सव २०८१ को उद्घाटन गर्दै उनले सो कुरा बताएका हुन ।
‘सुदूरपश्चिममा सम्भावना धेरै छन’ उनले भने ‘राजनीतिक अस्थिरताका कारण सम्भावना नजिक पुग्न सकिरहेका थिएनौँ ।’ राजनितिक अस्थिरता अन्त्य गर्न र सम्भावनाको नजिक पुग्न सरकार सञ्चालनका लागि कांग्रेस एमालेबीच गठबन्धन भएको उनले बताए ।
सुदूरपश्चिमको विकासका लागि र आर्थिक रुपान्तरणका लागि यो महोत्सव कोसेढुङ्गा सावित हुने उनले बताए । ‘जनताको निराशालाई आशामा बदल्ने कोशिस हामी गरिहेको छाँ’ै उनले भने ‘प्रतिफल छिट्टै जनताले पाउने गरी काम भइरहेको छ ।’
महोत्सवमा राखेका १० वटा मागलाई सरकारले सम्बोधन गर्र्ने उनले बताए । गौरीफन्टा नाकालाई सुविधा सम्पन्न नाकाको रुपमा विकास गर्नुपर्र्नेे,प्रदर्शनी स्थलको निर्माण,गेटा मेडिकल कलेज सञ्चालन,सुदुरपश्चिम लोडसेडिङ मुक्त प्रदेश,प्रदेशमा सांस्कृतिक संग्राहलय सञ्चालन कार्यान्वयन र सेती प्रादेशिक अस्पताललाई सुविधा सम्पन्न अस्पतालको रुपमा विकास गरिनु पर्ने लगायतका १० बुँदे माग संघको तर्फबाट महासचिव ओमबहादुर बिष्टले राखेका थिए ।
महोत्सवमा पर्यटन,शिक्षा,स्वास्थ्य,मनोरञ्जन,उद्योग,समाज सेवामा योगदान पु¥याएका व्यक्तित्वहरुलाई समेत सम्मान गरेको थियो । उद्घाटन समारोहमा सुदूरपश्चिमको संस्कृति झल्किने प्रस्तुति प्रस्तुत गरिएका थिए । महोत्सव आगामी पुस २ गतेसम्म सञ्चालन हुने जनाइएको छ ।
