धनगढी । नेपाल पत्रकार महासंघ कैलालीको अध्यक्षमा श्रवण देउवा निर्विरोध निर्वाचित भएका छ । अध्यक्षका अर्का उम्मेदवार टंक कुँवरले उम्मेदवारी फिर्ता लिएपछि देउवा निर्विरोध भएका हुन ।

त्यस्तै महिला उपाध्यक्षमा भावनाकुमारी जोशी पनि निर्विरोध निर्वाचित भएकी छ्न । जोशीको एकल उम्मेदवारी परेको थियो ।

निर्वाचन समितिले सार्वजनिक गरेको उम्मेदवारको अन्तिम नामावली अनुसार उपाध्यक्षमा  भोजराज रोस्यारा र झलनाथ खनालको उम्मेदवारी परेको छ ।

त्यस्तै सचिवमा तेजराज भट्ट र सुशील ढुंगानाको उम्मेदवारी कायम भएको छ । कोषाध्यक्षमा सुनिल आउजी र घनश्याम पौडेलको उम्मेदवारी परेको छ ।

सहसचिवमा शंकर बोहरा निर्विरोध निर्वाचित भएको छ । उनको एकल उम्मेदवारी परेको थियो ।

सहसचिव (समावेशी)मा सुरेन्द्र ताम्राकार र निराजन परियारको उम्मेदवारी कायम भएको छ । सहसचिव (समावेशी)मा उम्मेदवारी दिएका भुपेन्द्र बिकले उम्मेदवारी फिर्ता लिएका छन ।

८ खुला सदस्यमा १५ जनाको उम्मेदवारी परेको छ । त्यस्तै १ दलित सदस्यका लागि २ जना र १ महिला सदस्यका लागि पनि दुई जनाको उम्मेदवारी परेको छ ।

आदिवासी जनजाति सदस्यमा सुधराम दहित,अन्य समावेशी सदस्यमा जगत जैगडी र मधेशी सदस्यमा टेकसिंह धामी निर्विरोध भएका छ्न ।