अछाम । प्रेस सेन्टर नेपाल अछामको अध्यक्षमा रमेश परियार निर्बाचित भएका छन । आज आयोजित प्रेस सेन्टर नेपाल जिल्ला समिति अछामको छैटौं जिल्ला अधिवेशनले उनलाई अध्यक्षमा निर्बाचित गरेको हो ।
उपाध्यक्षमा शंकर थापा , सचिव लालबहादुर चँदारा , कोषाध्यक्ष तुलक्षा बोहरा , सह – सचिव नेत्र बहादुर साउँद , सदस्य कमल थपा , मनोज कुमार सार्की , रमिता विक , टेकराज विक निर्बाचित भएको प्रेस सेन्टर नेपालअछामले जनाएको छ ।
सेन्टरका कार्यवाहक अध्यक्ष रमेश परियारको अध्यक्षतामा भएको अधिवेशनमा नेकपा माओवादी केन्द्र सुदूरपश्चिम प्रदेश कमिटी सचिवालय सदस्य पहल साउँद प्रमुख अतिथि रहेका थिए ।
उनले आफनो मन्तब्यको क्रममा संचारकर्मीहरुलाई अहिलेको पत्रकारिता फरक ढंगले गर्नुपर्ने र आफ्नो पहिचान देखाउँदै अहिलेको डिजिटल जमाना अनुसार पत्रकारिताका क्रियाकलापहरु अगाडी बढाउनुपर्ने बताए । साथै उनले प्रेस सेन्टर नेपालले आफ्नो फरक पहिचान देखाउनुपर्ने पनि बताए ।
मेल्लेख गाउँपालिकाका अध्यक्ष ज्वालासिंह साउँदले जिल्लाका मिडियाकर्मीहरुले आफ्नो आस्था विचार जुनसुकै ठाउँमा भए पनि पत्रकारिता पेशालाई मर्यादित बनाउन सामुहिक रुपमा एकताबद्ध भएर अघि बढन र जनपक्षीय काम गर्न आग्रह गरे।
प्रेस सेन्टर नेपालका केन्द्रिय सचिव निमेन्द्र शाहीले प्रगतिशील पत्रकारहरुलाई एकीकृत गर्दै सामाजिक न्याय र लोकतन्त्रको पक्षमा काम गर्ने अनुरोध गरे । पत्रकारहरुको आवाज बुलन्द हुनुपर्ने बताउँदै प्रेस स्वतन्त्रताको प्रबर्द्धन र समाज प्रति उत्तरदायी हुनुपर्ने उनको भनाई छ ।
अधिवेशनमा नेपाल पत्रकार महासंघ अछामका निवर्तमान अध्यक्ष खम्म सिंह खत्री , नेपाल पत्रकार महासंघ अछामका सह सचिव एकेन्द्र महता , नेपाल प्रेस युनियन सुदूरपश्चिम प्रदेशका उपाध्यक्ष गिता कुँवर, नेपाल प्रेस युनियन अछामका सचिव तारामान खड्का , प्रेस चौतारी अछाम कल्पना बोहरा , उद्योग बाणिज्य संघ अछामका दल बहादुर साउँद ,राष्ट्रिय दलित पत्रकार संघ नेपाल अछामका पूर्व अध्यक्ष सुरत सुनार , माओवादी केन्द्र साँफेबगरका नेत्र परियार , एकीकृत अखिल नेपाल शिक्षक संगठन साँफेबगरका रुप कुमार ओड , अनेमसंघ क्रान्तिकारीका मिना अधिकारी , जिल्ला स्थित अन्य जनवर्गीय संगठनकाहरुका प्रमुख तथा प्रतिनिधिहरु र जिल्ला स्थित मिडियाका पत्रकारहरुको समेत सहभागिता रहेको थियो ।
प्रेस सेन्टर अछामका सदस्य मनोज भुलले स्वागत मन्तव्य राखेका थिए भने संचालन पत्रकार लालबहादुर चदराले गरेका थिए ।
