धनगढी । नेकपा माओवादी केन्द्र धनगढी उपमहानगर कमिटीले जनयुद्ध दिवसको अवसरमा रक्तदान तथा शुभकामना आदान प्रदान गरी मनाएको छ ।
३०औं जनयुद्ध दिवसको अवसरमा आज धनगढीको पार्कमोडमा रक्तदान तथा शुभकामना आदानप्रदान गरी जनयुद्ध दिवस मनाएको हो ।
माओवादी केन्द्रका उपमहासचिव गिरिराजमणि पोखरेलको प्रमुख आतिथ्यतामा भएको कार्यक्रममा पार्टीका केन्द्रीय सदस्य ओमप्रकाश पुन,लक्ष्मीदत्त जोशी,लोकेन्द्र लम्साल,रमेशसिंह धामी,शान्ति नेपाली,ललितसिंह ठगुन्ना,देवकी मल्ल,निर्मला जाेशी, माओवादी केन्द्र सुदूरपश्चिम प्रदेश समिति उपाध्यक्ष अक्कल रावल,दीपेन्द्र कुँवर, माओवादी केन्द्रका सुदूरपश्चिम प्रदेश सचिव जनक बुढालगायतको उपस्थिति रहेको थियो । कार्यक्रममा साढे एक बजेसम्म ३० जनाले रक्तदान गरेको आयोजकले जनाएको छ ।
उपमहानगर कमिटी अध्यक्ष बलबहादुर ऐरको अध्यक्षता भएको कार्यक्रमको सञ्चालन सचिव सुरेश सुनारले गरेका थिए । कार्यक्रममा रक्तदालाई प्रमाण पत्र समेत वितरण गरिएको थियो ।
तस्बिरहरु
