कैलाली । सवारी दुर्घटना हुदा २ जनाको मृत्यु भएको छ । मृत्यु हुनेमा रुपलाल चौधरी र शंकर बोगटी रहेका छन् । शनिबार साँझ कैलालीको धनगढी १४ स्याउले बजारमा से २ प ३५९० नम्बरको मोटरसाइकल र सु.प.प्र.०१-००१ प १४१९ नम्बरको मोटरसाइकल एक आपसमा ठोक्किदा से २ प ३५९० नम्बरको मोटरसाइकल चालक जिल्ला कैलालीको कैलारी गा.पा.६ बस्ने बर्ष ४० का चौधरी गम्भिर घाईते भई उपचारको लागि सेती प्रादेशिक अस्पताल धनगढी लगिएकोमा चिकित्सकले चेकजाँच गर्दा मृत्यु घोषणा गरेको हो ।
त्यस्तै जिल्ला कैलाली, चुरे गा.पा.५ निङलाडी स्थित भिमदत्त राजमार्गमा डोटी दिपायलबाट धनगढीतर्फ आउँदै गरेको
सु.प.प्र.०१-००१ ज १५२२ नम्बरको जिप आफै अनियन्त्रीत भई सडकबाट अन्दाजी १५ मिटर तल खस्न गई दुर्घटना हुँदा चालक डोटी, सायल गा.पा.४ भाङयारे बस्ने बर्ष २२ का बोगटी गम्भिर घाईते भई उपचारको लागि सेती प्रादेशीक अस्पताल धनगढी लगिएकोमा चिकित्सकले चेकजाँच गर्दा मृत घोषणा गरेको थियो । अन्य घाईतेको अस्पतालमा उपचार भइृरहेको छ ।
