धनगढी । कैलालीमा मोहना नदीमा नुहाउने क्रममा डुबेर २ जनाको मृत्यु भएको छ ।
जिल्लाको धनगढी उपमहानगरपालिका–१९ फुलबारी गाउँस्थित मोहना नदीमा नुहाउने क्रममा सोही ठाउँ बस्ने १५ वर्षीय दिनेश ओझा र १६ वर्षीय आशिस ओझाको मृत्यु भएको छ सुदूरपश्चिम प्रदेश प्रहरी कार्यालय धनगढीले जनाएको छ ।
सोही ठाउँका १६ वर्षीय करनसिंह धामी र १५ वर्षीय आदर्श पुजारा घाइते भएको प्रहरीले जनाएको छ । घाइते दुबै जनाको सेती प्रादेशिक अस्पतालमा उपचार भइरहेको प्रहरीले जनाएको छ ।
चारै जना शुक्रबार नुहाउने क्रममा डुबेका थिए । प्रहरीका अनुसार करन र आदर्शको सकुशल उद्दार गरिएको तथा दिनेश र आशिसलाई घटनास्थलबाट अन्दाजी ३० मिटर दक्षिण नदीमा मृत अवस्थामा फेला पारेको थियो ।
उनीहरुको जिल्ला प्रहरी कार्यालय कैलाली र सशस्त्र प्रहरी बल फुलबारीबाट संयुक्त रुपमा खटिइ खोजतलास गरिएको जनाइएको छ ।
