धनगढी । भारत सरकारको सहयोगमा सञ्चालन हुने उच्च प्रभावयुक्त सामुदायिक विकास परियोजना कार्यक्रम अन्तर्गत धनगढी १२ स्थित श्री सिद्धनाथ माध्यमिक विद्यालय,सिद्धार्थनगरमा भौतिक पूर्वाधार निर्माण कार्यक्रमका लागि सम्झौता भएको छ ।
यही चैत्र १९ गते संघीय मामिला तथा सामान्य प्रशासन मन्त्रालय,भारतीय राजदुताबास र धनगढी उपमहानगरपालिकाबीच Memorandum of Understanding (MoU) मा हस्ताक्षर कार्यक्रम सम्पन्न भएको हो ।
यस कार्यक्रमका लागि भारतीय राजदुताबासबाट ५ करोड २७ लाख ३३ हजार ६३१ (कुल लागतको ९० प्रतिशत, टेण्डर पश्चात रकम घट्न गएमा सोही अनुपातमा हुन आउने रकम) रूपैयाँ उपमहानगरलाई प्राप्त हुने र उपमहानगरले प्राप्त रकममा १० प्रतिशत रकम थप गरेर परियोजना कार्य सञ्चालन हुने जनाइएको छ ।
