कैलाली । पौवाको नर्वौ वार्षिकोत्सवको अबसरमा चैत २५ देखि २९ गतेसम्म पौवाका १७ शाखाबाट निशुल्क स्वादउत्सव आयोजना हुने भएको छ । आज होटल पौवा धनगढी शाखामा आयोजित पत्रकार सम्मेलनमा सो कुराको जानकारी दिएको हो ।
सोे अबसरमा नेपाली स्वाद र संस्कृति झल्किने मौलिक खानाको प्रस्तुति पनि हुने हौटल पौवा धनगढी शाखाका महाप्रबन्धक महेश सिंहले जानकारी दिए ।
यो उत्सव मार्फत पौवाले नेपाली स्वाद,संस्कृति र आतिथ्य संस्कारलाई राष्ट्यि तथा अन्तराष्ट्रिय स्तर सम्म चिनाउने लक्ष्य लिएको उनले बताए ।
त्यस्तै पौवाका सेफहरुबीच नै स्वस्थ प्रतिस्पर्धा गराई बढी भन्दा बढी गुणस्तरीय खाना तयार पार्नु पनि रहेको उनको भनाई छ । नेपालीहरुको विभिन्न चाडपर्वलाई बिशेष बनाउँदै आएको पौवाले यसै बर्षबाट नेपालीहरुको नयाँ बर्षलाइ स्वागत गर्ने बिशेष कार्यक्रम हुन गईरहेको जनाएको छ ।
चैत्र ३१ गते साँझ आयोजना हुने कार्यक्रममा थारु संस्कृतिमा आधारित साँगितीक कार्यक्रमबाट कार्यक्रमको थालनी गर्ने छौ भने सोही दिन राष्ट्यि तथा स्थानिय कलाकारहरुको पनि प्रस्तुती रहने महाप्रबन्धक सिंहले जानकारी दिए ।
