काठमाण्डौ- आज देशका धेरै ठाउँको मौसम आंशिकदेखि सामान्य बदली रहेको छ । अहिले नेपालमा मनसुनी वायुको सामान्य प्रभाव रहेको छ । कर्णाली प्रदेशको एकरदुई ठाउँमा हल्का वर्षा भइरहेको जल तथा मौसम पूर्वानुमान महाशाखाले जनाएको छ । आज दिउँसो देशका पहाडी भू–भागमा मौसम आंशिकदेखि सामान्य बदली रही बाँकी भू–भागमा आंशिक बदली रहने अनुमान छ ।
प्रदेश एक, वाग्मती, गण्डकी र लुम्बिनी प्रदेशका थोरै र बाँकी प्रदेशका एकरदुई ठाउँमा मेघ गर्जन र चट्याङसहित हल्कादेखि मध्यम वर्षाको सम्भावना रहेको छ ।
आज राति पनि देशका पहाडी भू–भागमा मौसम आंशिकदेखि सामान्य बदली रही बाँकी भू–भागहरुमा आंशिक बदली रहने महाशाखाले जनाएको छ । नेपालमा मनसुन सरदर अक्टोबर २ अर्थात भोलिदेखि बाहिरिने भए पनि यस वर्ष मनसुन सरदर मितिभन्दा केही दिन ढिला बाहिरिने मौसमविद्ले बताएका छन् ।
