धनगढी । जिल्ला प्रहरी कार्यालय कैलालीले जेनजी प्रदर्शनका क्रममा चोरी तथा लुटपाट गरि लगिएका सामान खरिदबिक्री नगर्न अनुरोध गरेको छ ।
एक सूचना जारी गर्दै यही भदौ २३ र २४ गते भएको जेनजी प्रदर्शनका क्रममा जिल्लास्थित विभिन्न सरकारी कार्यालयबाट लगेका सामान खरिदबिक्री नगर्न आग्रह गरेको हो ।
सरकारी कार्यालयहरुमा तोडफोड तथा आगजनी गरे पश्चात उक्त कार्यालयहरुमा रहेका विभिन्न बहुमुल्य वस्तु तथा सराकारी मालसमानहरु चोरी तथा लुटपाट गरी बजारमा लगी बिक्री वितरण गरिरहेको र घरमा लुकाईछिपाई राखेको सम्बन्धमा प्रहरीले सुक्ष्म अनुसन्धान गरिरहेको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक राजकुमार सिंहले जारी गरेको सूचनामा उल्लेख छ ।
सूचना भनिएको छ ‘त्यस्ता सरसमान कुनै पनि व्यापारीलाई खरिद तथा बिक्री नगर्न नगराउन तथा सो सम्बन्धमा कुनै सूचना प्राप्त भएमा नजिकको सुरक्षा निकायलाई जानकारी गराउन समेत अनुरोध छ ।’
प्रदर्शनको क्रममा चोरी÷लुटपाट तथा आवेशमा आई आफैसंग साथमा लगेका त्यस्ता सराकारी सरसमानहरु सम्बन्धित कार्यालय,जिल्ला प्रहरी कार्यालय कैलाली तथा नजिकको प्रहरी कार्यालयमा बुझाउन भनिएको छ ।
सामान बुझाउनेलाई उचित सम्मान र नबुझाई आफैसंग राखेको तथा खरिद बिक्री गरेको पाइएमा प्रचलित कानून बमोजिम कारवाही हुने सूचनामा उल्लेख छ ।
