काठमाडौँ । नेकपा माओवादी केन्द्रले जेनजी युवाहरूले आन्दोलनका क्रममा आफ्ना नेताहरूको घर जलाएको विवरण सार्वजनिक गरेको छ। जसमा अध्यक्ष पुष्पकमल दाहाल ‘प्रचण्ड’देखि केन्द्रीय सदस्यका घर परेका छन्।

आफ्ना नेताहरूको घरमाथि आक्रमण हुनु जेनजी आन्दोलनमा घुसपैठ भएको पनि माओवादीले बताएको छ।

यी नेताका घर जले

१.अध्यक्ष प्रचण्डको खुमलटारस्थित निवास र चितवनको घर, लुटपाट, तोडफोड र आगो लगाएर पूरै ध्वस्त।
२.वरिष्ठ उपाध्यक्ष नारायणकाजी श्रेष्ठको हात्तीवनस्थित निवास लुटपाट गरेर पूरै ध्वस्त।
३.उपाध्यक्ष अग्निप्रसाद सापकोटाको घर तोडफोड र लुटपाट गरेर पूरै ध्वस्त।
४. उपाध्यक्ष नन्दकिशोर पुनको निवासमा आगजनी, तोडफोड र लुटपाट गरेर क्षतिग्रस्त।
५.उपाध्यक्ष कृष्णबहादुर महराको दाङस्थित घर, तोडफोड र लुटपाट गरेर भग्नवशेषमा परिणत।
६.उपाध्यक्ष पम्फा भुसालको निवास तोडफोड र लुटपाट।
७. उपमहासचिव वर्षमान पुनको निवास, तोडफोड र लुटपाट।
८.उपमहासचिव गिरिराजमणी पोखरेलको निवास तोडफोड र लुटपाट।
९। सचिव चक्रपाणी खनालको घर, आगजनी, तोडफोड र लुटपाट।
१०.केन्द्रीय सदस्य गंगा दाहालको घर आगजनी, तोडफोड र लुटपाट।
११.केन्द्रीय सदस्य जीवन आचार्यको विराटनगरस्थित घर आगजनी, तोडफोड र लुटपाट।
१२. केन्द्रीय सदस्य रेनु दाहालको घर आगजनी, तोडफोड र लुटपाट।
१३. केन्द्रीय सदस्य माधव सापकोटाको घरमा आगजनी।
१४.केन्द्रीय सदस्य राजन दाहालको घरमा तोडफोड र लुटपाट।
१५. ⁠केन्द्रीय सदस्य विशाल खड्काको घर र गाडी पूरै ध्वस्त
१६. ⁠केन्द्रीय सदस्य युवराज चौलागाईंको घरमा आजगनी।
१७. ⁠केन्द्रीय सदस्य उमेश यादवको घरमा तोडफोड, लुटपाट।
१८. ⁠ केन्द्रीय सदस्य कमल बुढाथोकीको घरमा लुटपाट।
१९. ⁠प्रदेश नं. १ को पार्टी कार्यालयमा तोडफोड।
२०. केन्द्रीय सदस्य रामनारायण बिडारीको घर आगजनी गरेर ध्वस्त
२१. बाँकी थप क्षतिको विवरण संकलन हुँदै ।