धनगढी । नेपाली कम्युनिस्ट पार्टी (नेकपा)ले डा. भीम रावल सुदूरपश्चिम प्रदेश इन्चार्ज र हरिराम चौधरी ‘उत्सव’लाई प्रदेश संयोजकको जिम्मेवारी दिएको छ । पार्टीको केन्द्रीय कार्यसंयोजन समितिको बैठकले उनीहरुलाई इञ्चार्ज र संयोजक जिम्मेवारी दिएको हो ।
त्यस्तै,पार्टीको केन्द्रीय कार्यसंयोजन समितिको बैठकले ७ भूगोल प्रदेश र २ गैरभौगोलिक प्रदेशमा इञ्चार्ज र संयोजकहरू टुंगो लगाएको छ ।
बैठकले कोशी प्रदेश इन्चार्जको राजेन्द्र राई र संयोजकमा हर्क नेम्वाङ, मधेस प्रदेशको इन्चार्ज महिन्द्र राय यादव र संयोजकमा राजु खड्का,बागमती प्रदेशको इन्चार्ज डा. गङ्गालाल तुलाधर र संयोजकमा सरल सहयात्री तथा गण्डकी प्रदेशको इन्चार्ज श्रीनाथ बराल र संयोजकमा गायत्री गुरुङलाई जिम्मेवारी दिइएको छ ।
त्यस्तै, लुम्बिनी प्रदेशको इन्चार्ज चक्रपाणि खनाल र संयोजकमा अब्दुल हुसेन खान, कर्णाली प्रदेशको इन्चार्ज चन्द्रबहादुर शाही र संयोजकमा बिमला केसी, उपत्यका विशेष प्रदेशको इन्चार्ज हितमान शाक्य र संयोजकमा विष्णु लामिछाने तथा सम्पर्क समन्वय प्रदेशको इन्चार्ज यशोदा सुवेदी र संयोजकमा तारानाथ दाहाललाई जिम्मेवारी दिइएको जनाइएको छ ।
