धनगढी ।नेपाली कांग्रेसका सभापति गगन थापाले विशेष महाधिवेशनमा काे थियाे काे थिएन भन्ने च्याप्टर नै क्लाेज भएकाे बताएका छन । उनले विशेष महाधिवेशनका बारेमा अब छलफल नै नहुने बताए ।
शनिवार धनगढीमा आयाेजित प्रदेश स्तरिय भेलालाई सम्बाेधन गर्दै सभापति थापाले अब नेपाली काँग्रेस अग्रजकाे सम्मान र युवाकाे उर्जा सहित एकताबद्द भएर अघि बढने बताए । उनले भने – कसैले पनि हामी विशेष महाधिवेशन पक्षधर हु वा बिपक्षेधर हु भनेर नसाेच्नुस सबै एक भएर अघि बढाै नेतृत्वले सबैकाे सम्मान गर्छ ।
सभापति थापाले एमालेसँगको सत्ता सहकार्य तत्काल नटुट्ने बताएका छन्। प्रदेशहरुमा एमाले कांग्रेसको समिकरण टुट्नेबारे चर्चा चलिरहेका वेला सभापति थापाले अहिलेको राजनीतिक परिस्थितिमा नेपाली कांग्रेस र नेकपा एमालेबाहेक अर्को सरकार बन्ने अवस्था नरहेको बताए।
उनले एमाले नेतृत्वसँग निरन्तर छलफल भइरहेको उल्लेख गर्दै सरकारको नीति तथा कार्यक्रम तथा बजेटबारे पनि संवाद जारी रहेको बताए। प्रदेश सरकारहरू ठीक ढंगले चल्नुपर्नेमा उनले जोड दिए।
‘नेतासँग असन्तुष्टि हुन सक्छ, तर कांग्रेसको टिकट लिएर चुनावमा उठेको उम्मेदवारलाई भोट हाल्दिन भन्न पाइँदैन, ’ उनले भने, ‘त्यस्तो गतिविधिमा संलग्न देखिएकामाथि कारबाही हुन्छ। ’ राष्ट्रिय स्वतन्त्र पार्टी लाई पाँच वर्ष सरकार चलाउने जनादेश प्राप्त भएको उल्लेख गर्दै उनले कांग्रेसले प्रतिपक्षको भूमिका प्रभावकारी रूपमा निर्वाह गर्ने बताए। ‘हामीले सचेत गराउन छाड्यौं भने लोकतन्त्रको आत्मा मर्छ,’ उनले भने। सुशासनका सन्दर्भमा सरकारले गरेका सकारात्मक प्रयासलाई समर्थन रहने तर शक्ति र सत्ताको आडमा लोकतन्त्र नियन्त्रण गर्न खोजिए कांग्रेस ‘सतीसाल’झैं उभिने उनले बताए।
थापाले अव्यवस्थित भूमिहीन तथा सुकुम्बासी समस्यामा राज्य संवेदनशील हुनुपर्ने उल्लेख गर्दै उनले भने, ‘सनकको भरमा डोजर चलाउन हुँदैन, उनीहरूको पनि आत्मसम्मान हुन्छ, ।’
कार्यक्रममा उनले शेरबहादुर देउवा सहित कांग्रेसका पूर्व सभापतिहरूको योगदानसमेत स्मरण गरेका थिए। सभापति थापाले सबैलाई समेटेर पार्टीलाई एकताबद्ध बनाउने प्रयास भइरहेको बताए। निर्वतमान सभापति देउवाको स्वास्थ्य लाभको कामना गर्दै पछिल्लो समय आफूहरूबीच संवाद नभएको उनले बताए ।
