धनगढी । संविधान दिवस तथा राष्ट्रिय दिवस-२०८३ को अवसरमा धनगढीमा दीप प्रज्वलन गरिएको छ।
अखिल नेपाल खेलकुद महासङ्घ, सुदूरपश्चिम प्रदेश र अखिल क्रान्तिकारी कैलालीको आयोजनामा आज दीप प्रज्वलन गरिएको हो ।
कार्यक्रमका प्रमुख अतिथि सुदूरपश्चिम प्रदेशका भौतिक पूर्वाधार विकासमन्त्री ओमविक्रम भाट ‘सरल’ले संविधानले प्रदान गरेका हक,अधिकारको रक्षा गर्न संविधानको संरक्षण आवश्यक रहेको बताए।
उनले सबै नागरिकको अधिकार रक्षाका लागि संघर्षबाट प्राप्त संविधानको संरक्षण गर्नु सबैको दायित्व रहेको उल्लेख गरे । मन्त्री भाटले संविधान दिवस तथा राष्ट्रिय दिवसका अवसरमा सम्पूर्णमा शुभकामनासमेत व्यक्त गरे।
कार्यक्रममा भौतिक पूर्वाधार विकास राज्यमन्त्री जानकीदेवी पौडेल,स्थानीय युवा,खेलाडी, विद्यार्थी,व्यवसायी तथा स्थानीय नागरिकको सहभागिता रहेको थियो ।
