धनगढी । कञ्चनपुरमा प्रहरीले अवैध लागूऔषधसहित चार जनालाई पक्राउ गरेको छ ।
सोमबार जिल्लाका विभिन्न स्थानबाट उनीहरूलाई प्रहरीले पक्राउ गरेको हो ।
लालझाडी गाउँपालिका-१ डाँडा बिच्छुवाबट अवैध लागूऔषध खैरो हिरोइन जस्तो देखिने धुलो पदार्थ ८ ग्राम ९२३ मिलिग्रामसहित कैलालीको धनगढी उपमहानगरपालिका-१० घुईयाघाट बस्ने २४ वर्षीय सागर चौधरी र २३ वर्षीय विनानन्द रानालाई पक्राउ गरेको प्रहरीले जनाएको छ ।
त्यसैगरी,भीमदत्त नगरपालिका-१० गज्जरबाट अवैध लागूऔषध खैरो हिरोइन जस्तो देखिने धुलो पदार्थ १५ ग्राम ६७० मिलिग्रामसहित सोही नगरपालिका-६ ऐठपुर बस्ने ४३ वर्षीय महेशप्रसाद भट्ट र कृष्णपुर नगरपालिका-२ बाणी बस्ने ३१ वर्षीय हेमराज जोशीलाई पक्राउ गरेको जनाएको छ ।
यस सम्बन्धमा प्रहरीले आवश्यक अनुसन्धान गरिरहेको जनाएको छ ।
