धनगढी । हिमालयन लाइफ इन्स्योरेन्स लिमिटेड, धनगढी प्रादेशिक कार्यालयको आयोजनामा अभिकर्ता पुनर्ताजगी कार्यक्रम भव्य रूपमा सम्पन्न भएको छ।
धनगढीस्थित सितार होटलमा आयोजित उक्त कार्यक्रममा हिमालयन लाइफ इन्स्योरेन्स लिमिटेडका प्रदेश उपप्रमुख प्रमानन्द पन्तको प्रमुख आथित्यमा सप्पन्न भएको कार्यक्रममा अभिकर्ताहरूको व्यावसायिक क्षमता अभिवृद्धि, बीमा बजारका पछिल्ला गतिविधि, ग्राहक सेवा तथा आगामी दिनमा प्रभावकारी रूपमा कार्यसम्पादन गर्ने विषयमा प्रशिक्षण तथा अन्तरक्रिया गरिएको थियो।
कार्यक्रममा धनगढी प्रादेशिक कार्यालयअन्तर्गत रहेका विभिन्न क्षेत्रका १२० जनाभन्दा बढी अभिकर्ताहरूको उत्साहजनक सहभागिता रहेको थियो। कार्यक्रममा अभिकर्ताहरूलाई बीमा व्यवसायमा देखिएका अवसर तथा चुनौतीबारे जानकारी गराउँदै आफ्नो ज्ञान, सीप र कार्यक्षमता थप मजबुत बनाउन प्रेरित गरिएको थियो।
कार्यक्रमको सञ्चालन धनगढी शाखा प्रमुख प्रेमबहादुर ऐरले गरेका थिए । उनले अभिकर्ताहरूको सक्रियता, निरन्तरता र व्यावसायिक दक्षताले संस्थाको व्यवसायिक विकासमा महत्वपूर्ण योगदान पुग्ने बताउँदै आगामी दिनमा अझ प्रभावकारी ढंगले कार्य गर्न सबैलाई आग्रह गरे ।
कार्यक्रमका क्रममा विभिन्न विधामा उत्कृष्ट प्रदर्शन गर्ने विजेता तथा अभिकर्ताहरूलाई सम्मान तथा पुरस्कार प्रदान गरिएको थियो । उत्कृष्ट कार्यसम्पादन गर्ने अभिकर्ताहरूको योगदानको कदर गर्दै सम्मान गरिएको कार्यक्रमले सहभागीहरूमा थप उत्साह र ऊर्जा प्रदान गरेको थियो।
कार्यक्रममा सहभागी अभिकर्ताहरूले यस्तो प्रकारको पुनर्ताजगी तथा क्षमता अभिवृद्धि कार्यक्रमले आफूहरूलाई नयाँ ऊर्जा, ज्ञान र कार्यक्षेत्रमा थप सक्रिय हुने प्रेरणा प्राप्त भएको प्रतिक्रिया दिएका थिए ।
हिमालयन लाइफ इन्स्योरेन्स लिमिटेडले अभिकर्ताहरूको क्षमता विकास तथा व्यवसायिक दक्षता अभिवृद्धिका लागि आगामी दिनमा पनि यस्ता कार्यक्रमलाई निरन्तरता दिने जनाएको छ।
