धनगढी । सुदूरपश्चिम प्रदेश सरकारले आज (बुधबार) बजेट सार्वजनिक गर्ने भएको छ ।
प्रदेश सरकारले चालू आव २०८३/८४ को बजेट प्रदेशसभामा प्रस्तुत गर्न लागेको हो ।
मंगलबार बसेको कार्यव्यवस्था परामर्श समितिको बैठकले आज साँझ ५ बजे बजेट प्रस्तुत गर्ने गरी प्रदेशसभा बैठक आह्वान गर्ने निर्णय गरेको थियो।
सभामुख भीमबहादुर भण्डारीका अनुसार बजेट प्रस्तुतिका लागि बैठक आह्वान गरिएको छ ।
गत असार १ गते तत्कालीन प्रदेश सरकारले आर्थिक वर्ष २०८३/८४ को बजेट प्रदेशसभामा प्रस्तुत गरेको थियो । तर, बजेटकै विषयलाई लिएर सत्तारुढ दलभित्र विवाद चर्किएपछि त्यो बजेट प्रदेशसभाबाट पारित हुन सकेन।
