धनगढी- कञ्चनपुरमा साथीको घर गएका एक युवक मृत फेला परेका छन् । भीमदत्त नगरपालिका –१८ भगतपुरका २३ वर्षीय पुरन डगौरा मृत फेला परेको प्रहरीले बताएको छ ।
भीमदत्त नगरपालिका–२ भाँसीका तारादत्त भट्टको घरमा गएका डगौरा मृत फेला परेका हुन् । दुवै साथी राति सँगै सुतेकोमा डगौरा भने मृत फेला परेका थिए ।
जिल्ला प्रहरी कार्यालय कञ्चनपुरका प्रहरी नायव उपरीक्षक चक्र बहादुर शाहका अनुसार उनलाई बाहिर चोटपटक देखिएको छैन । ‘साथीको घर गएका उनी मृत बिहान फेला परेका हुन् । बाहिर चोटपटक देखिँदैन । घटनाबारे अनुसन्धान भइरहेको छ,’ उनले भने ।
