धनगढी- धनगढीमा लागुऔषधसहित चरेशसहित दुई जना पक्राउ परेका छन् । धनगढी उप–महानगरपालिका ८ को क्याम्पस चोकबाट २ किलो लागुऔषध चरेशसहित दुई जना पक्राउ परेका हुन् ।
पक्राउ पर्नेमा बझाङको खप्तडछान्ना गाउँपालिका ३ का १९ वर्षीय क्षितिज रावल र छविसपाथीभरा गाउँपालिका २ का ३६ वर्षीय जक्सन रोकाया रहेको कैलालीका प्रवक्ता प्रहरी नायब उपरीक्षक(डीएसपी) वेदप्रकाश जोशीले जानकारी दिए ।
जोशीकाअनुसार विशेष सूचनाका आधारमा सुदूरपश्चिम प्रदेश अनुसन्धान समूह (आरआइटी) र जिल्ला प्रहरी कार्यालयको टोलीले रावललाई एक किलो २ सय ग्राम र रोकायाको साथबाट ८ सय ग्राम चरेश बरामद गरेको हो । दुबै जनालाई नियन्त्रणमा लिएर अनुसन्धान भइरहेको प्रहरीले जनाएको छ ।
