लम्की– कैलालीको लम्कीचुहामा खुकुरी प्रहारबाट २ जना युवक घाइते भएका छन् । नगपालिकाको वडा नम्बर १ भुरुवामा खुकुरी प्रहारबाट २१ वर्षीय जगत टमट्टा र २५ वर्षीय राजेश टमट्टा घाइते भएका ईलाका प्रहरी कार्यालय लम्कीले जनाएको छ ।
आइतबार राति छिमेकीको घरमा डेगमा नाँच्न गएको समयमा करिब १० बजेतिर आपसी विवादका कारण स्थानीय ३ जना युवाको समूहले उनीहरूमाथि धारिलो हरियार प्रहार गरेको ईलाका प्रहरी कार्यालय लम्कीका प्रमुख प्रहरी निरीक्षक शंकर खड्काले बताए ।
घाइते दुुबैजनाको लम्कीस्थित लालरत्न अस्पतालमा उपचार भइरहेको छ । रोजगारीको शिलशिलामा भारतमा रहेका जगत र राजेश केही महिना अगाडि मात्र घर आएका थिए ।
ईलाका प्रहरी कार्यालय लम्कीले घटनामा संलग्न संलग्न ३ जनालाई पक्राउ गरेको जनाएको छ । खुकुरी प्रहार गर्ने ३ जना १५ वर्षमुनिका नाबालक रहेको ईलाका प्रहरी कार्यालय लम्कीका प्रमुख प्रहरी निरीक्षक खड्काले बताए । नाबालक भएकाले उनीहरूको नाम नखुलाएको उनले बताए ।
