धनगढी- कैलालीको धनगढी उपमहानगरपालिका वडा नम्बर ७ मनेहरामा सम्पन्न कालिका शिअ उसु धार्मिक ज्ञान महायज्ञ–२०७९ को आयव्यय सार्वजनिक गरिएको छ ।
महायज्ञ मूल आयोजक समितिले यही माघ ८ गतेदेखि १४ गतेसम्म सञ्चालित महायज्ञको पत्रकार सम्मेलनको आयोजना गर्दै आयव्यय सार्वजनिक गरेको होे । आय विवरण तर्फ कलशबाट आम्दानी, शालीग्राम परिक्रमा, धान बिक्रीलगायतबाट गरेर १६ लाख ९५ हजार १७३ रुपैयाँ आम्दानी भएको कालिका शिअ उसु धार्मिक ज्ञान महायज्ञका आर्थिक व्यवस्थापन तथा संकलन उप–समिति संयोजक ताराप्रसाद भुसालले बताए ।
जम्मा आयमध्ये ११ लाख ५५ हजार ७३७ रुपैयाँ खर्च भएको उप–समिति संयोजक ताराप्रसाद भुसालले बताए । उनले कलश, पानस तथा भाडाकुडी खरिद, प्रचार प्रसार, फूलमाला खरिदमा उक्त रकम खर्च भएको बताए ।
यस्तै महायज्ञबाट जम्मा पाँच लाख ३९ हजार चार सय ३६ रुपैया नाफा भएको उनले बताए । उनका अनुसार महायज्ञमा जयबहादुर कार्कीले शिव मन्दिर निर्माणका लागि ५० हजार बराबरको निर्माण समाग्री उपलब्ध गराउने प्रतिवद्वता गरेका छन् ।
उसुका प्रशिक्षक रतन खातीले नाफा भएको रकम कालिका मन्दिर र शिअ उसुले आधा–आधा वितरण गर्न बताए । महायज्ञ सञ्चालनका लागि बनेका विभिन्न समितिलगायत अन्य व्यक्तिहरुलाई प्रशंसापत्र समेत वितरण गरिएको थियो ।
