धनगढी– कैलालीमा मोटरसाइकलको ठक्करबाट एक जनाको मृत्यु भएको छ । जिल्लाको जानकी गाउँपालिका–४ मुनुवाका ७१ वर्षीय ठग्न कठरियाको मृत्यु भएको हो । से ६ प ६२८८ नम्बरको मोटरसाइकलको ठक्करबाट पैदलयात्री कठरियाको मृत्यु भएको प्रहरीले जिल्ला प्रहरी कार्यालय कैलालीले जनाएको छ ।
मोटरसाइकलको ठक्करबाट गम्भीर घाइते भएका कठरियाको मेडिकल कलेज कोहलपुर बाँकेमा उपचारको क्रममा मृत्यु भएको थियो । मोटरसाइकल चालकलाई प्रहरीले नियन्त्रणमा लिएको जनाएको छ ।
