चितवन –पृथ्वी राजमार्गअन्तर्गत चितवनको इच्छाकामना गाउँपालिका–३ चुम्लिङटारमा बसमा माइक्रो ठोक्किँदा एक जनाको मृत्यु भएको छ । जिल्ला प्रहरी कार्यालय चितवनका अनुसार हिजो बेलुका काठमाण्डौबाट बझाङका लागि छुटेको ना ६ ख १३४० नम्बरको बस र भैरहवाबाट काठमाण्डौका लागि छुटेको लु २ ख ३५०२ नम्बरको माइक्रो ठोक्किँदा एक जना पुरुषको मृत्यु भएको हो ।
उनको नयाँ मेडिकल कलेजमा उपचारका क्रममा मृत्यु भएको हो । मृत्यु हुने पुरुषको परिचय खुलेको छैन । दुर्घटनामा दुवै गाडीका गरी १७ जना घाइते भएका जिल्ला प्रहरी कार्यालयका प्रवक्ता नरहरि अधिकारीले दिए । घाइतेमध्ये पाँच जनाको नयाँ मेडिकल कलेज भरतपुर र १२ जनाको पुरानो मेडिकल कलेजमा उपचार भइरहेको प्रहरीले जनाएको छ ।
