धनगढी-सुदूरपश्चिम प्रदेश सरकारका मुख्यमन्त्री र मन्त्रीहरूले प्रधानमन्त्री शेरबहादुर देउवालाई भेटघाट गरेका छन् । आइतबार मुख्यमन्त्री त्रिलोचन भट्टसहित आन्तरिक मामिला तथा कानुन मन्त्री डा.रणबहादुर रावल र सामाजिक विकास मन्त्री गोविन्द बोहराले प्रधानमन्त्री देउवासँग भेटघाट गरेका हुन् ।
भेटघाटका क्रममा प्रधानमन्त्री देउवासँग सुदूरपश्चिम प्रदेशको समसामयिक विषयमा छलफल, गेटा मेडिकल कलेज र सेती प्रादेशिक अस्पताललाई ५०० बेडमा स्तरोन्नति गर्ने विषयमा छलफल भएको आन्तरिक मामिला तथा कानुन मन्त्री रावलका प्रमुख स्वकीय सचिव धन्नजय रिमाले बताए ।
