नेपाल सुनचाँदी व्यवसायी महासंघको हालै गोदावरीमा सम्पन्न भएको चौथो प्रदेश सभा तथा दोस्रो अधिवेशनमा अध्यक्षमा सर्बसम्मत निर्वाचित सन्तोष लामिछानेसँग निशाना न्युजले गरेको कुराकानीका सम्पादित अंश यहाँ प्रस्तुत गरिएको छ ।
१) सुनचाँदी व्यवसायीको हकहितका लागि के पहल गर्दै हुनुहन्छ ?
म दोस्रो पटक प्रदेश अध्यक्षमा निर्वाचित भएको छु । सुनचाँदी व्यवसायीको हकहितका लागि म अहोरात्र खट्नेछु । यो व्यवसायलाई मर्यादित बनाउने तयारीमा म लगायत सबै टिम खट्ने छौं । यो व्यवसायलाई मापदण्ड निर्देशिका अनुसार अघि बढाउनुपर्छ भन्नेमा हामी लागेका छौं ।
२) मापदण्डका आधार के हुन् ?
विगतका वर्षमा हामीले आफैं मूल्य निर्धारण गरेर व्यवसाय गर्दै आएका छौं । अब हामी सरकारको मापदण्डमा रहेर काम गर्न खोजिरहेको छौं । सरकारको ऐन नियमको परिधीमा रहेर काम गर्नु पर्छ भन्ने हाम्रो मान्यता हो ।
३) व्यवसायीको हकहितका लागि तपाई कसरी अघि बढ्ने योजना छ ?
म योजनाबद्ध रुपमा अघि बढ्दैछु । समस्या धेरै छन् । समस्याको समाधानका लागि मेरो जोड निर्देशिका नै हो । यसले सबै सुनचाँदी व्यवसायीको हकहित हुन्छ भन्ने मेरो मान्यता छ । सबै व्यवसायीको सल्लाह अनुसार अघि बढ्ने मेरो योजना छ ।
४) तत्काल व्यवसायीका समस्या के के छन् त ?
समस्या धेरैछन् । सर्बप्रथम त मापदण्ड आए अलि सहज हुने छ । दोस्रो कुरा कच्चा पदार्थ अभाव हो । चाहिएको अवस्थामा सुन पाउन समस्या छ । व्यवसायीले चाहिएको अवस्थामा परिणाम अनुसार सुन पाउन सकेका छैनन् । जसले गर्दा कालोबजारी बढने सम्भावना हुन्छ । यसलाई नियन्त्रण गर्न र पेशालाई मर्यादित गर्न मापदण्डको आवश्यकता छ ।
५) अन्त्यमा केहि भन्नु छ ?
म व्यवसायिको हकहितका लागि लागिरहेको छु । मलाई विश्वास गरेर सबै व्यवसायीले मलाई अध्यक्षमा सर्बसम्मत निर्वाचित गराएका छन् । त्यो भूमिकालाई म बिर्सने छैन् । अग्रजको सल्लाह अनुसार म व्यवसायीको हितका लागि लागि पर्नेछु ।
