कञ्चनपुर- कञ्चनपुरको शुक्लाफाँटा नगरपालिका–७ सिमलफाँटामा जंगली हात्तीको आक्रमणबाट एक जनाको मृत्यु भएको छ ।
सोमबार राति हात्तीको आक्रमणबाट शुक्लाफाटा नपा–७ सिमलफाँटाका २२ वर्षीया मीना जोशीको घटनास्थलमा मृत्यु भएको इलाका प्रहरी कार्यालय झलारीका प्रमुख प्रहरी निरीक्षक ज्ञानेन्द्रबहादुर सिंहले जानकारी दिए ।
हात्तीको बथान शुक्लाफाँटा राष्ट्रिय निकुञ्जबाट गाउँ प्रवेश गरेको प्रहरीले जनाएको छ । अहिले घटनास्थलमा प्रहरी र स्थानीयवासीको टोली परिचालन गरिएको प्रहरीले जनाएको छ ।
