कैलाली-  वैधानिक विकल्पहरुको खोजी समेत नगरी प्रदेशलाई बजेट शून्यताको अवस्थामा पुर्याएको प्रति नेपाली काँग्रेस र नेकपा एमाले कैलालीले गम्भीर ध्यानाकर्षण भएको जनाएको छ ।

बिहीबार प्रेस विज्ञप्ती प्रकाशित गर्दै काँग्रेस र एमालेले गम्भीर ध्यानाकर्षण भएको जनाएको हो । सुदूरपश्चिम प्रदेश सरकारले आर्थिक वर्ष ०८१/०८२ को लागि असार १ गते प्रदेश सभामा प्रस्तुत गरेको बजेट वर्षे अधिवेशन चालू रहँदारहँदै बजेटमाथिको छलफल समेत अलपत्र परेको विज्ञप्ति भनिएको छ ।
‘सुदूरपश्चिम प्रदेश सरकारको आर्थिक वर्ष ०८१/०८२ को बजेट निर्माण प्रक्रिया सुरु भएदेखि नै बिचौलियाको सक्रियताप्रति आम सुदूरपश्चिमेली जनतामा आशंका उत्पन्न भइरहेको सन्दर्भमा बजेट तथा कार्यक्रम पुस्तिका रातो किताब जस्तो अति महत्वपूर्ण र संवेदनशील दस्तावेज समेत अनाधिकृतरुपमा सार्वजनिक भएको घटनाले आमनागरिकमा बजेट प्रति झन् सन्देह र निराशा पैदा भएको थियो’ विज्ञप्तीमा उल्लेख गरेको छ ।

रातो किताब अनाधिकृत रुपमा बाहिरिएको घटनाको गम्भीरतापूर्वक छानबिन गरी दोषिलाई कारबाहीको दायरामा ल्याउनु पर्ने माग भइरहेका बेला वर्तमान प्रदेश सरकारले गठबन्धनका दलहरुबीच भागबण्डा पुर्याउन मन्त्रालयको संख्या थप गरेर प्रदेशमाथि अनावश्यक व्ययभार थप्ने काम गरेको प्रति गम्भीर ध्यान आर्कषण भएको विज्ञप्तीमा भनिएको छ ।

विज्ञप्तिमा भनिएको छ ‘प्रदेशमा वित्तीय प्रणाली नै ध्वस्त हुने गरी बजेट विहीनताको अवस्था सृजना गरेर सरकारले आफ्नो अकर्मण्यता र नालायकीपनको प्रदर्शन गरेको छ ।