धनगढी- कैलालीबाट लागूऔषधसहित एकजना पक्राउ परेका छन्। शनिबार गोदावरी नगरपालिका–१ बिजयनगरमा ५० वर्षीय रामबहादुर रोकायाले आफैले सञ्चालन गरेको होटलमा लागूऔषधको कारोबार भइरहेको भन्ने सूचनाका आधारमा प्रहरीले लागूऔषधसहित रोकायालाई पक्राउ गरेको हो।
होटलको काउन्टरको घर्राबाट २६ ग्राम ५७० मिलीग्राम लागूऔषध फेला परेपछि इलाका प्रहरी कार्यालय मालाखेतीबाट खटिएको प्रहरी टोलीले उनलाई नियन्त्रणमा लिएको हो। सो सम्बन्धमा थप अनुसन्धान भइरहेको सुदूरपश्चिम प्रदेश प्रहरी कार्यालयले जनाएको छ ।
