धनगढी–कैलालीको कैलारी गाउँपालिका–१ हसुलियास्थित पारदर्शी महिला विकास बहुउदेश्यीय सहकारी संस्थाले महिलालाई आत्मनिर्भर बनाउन उत्पादनलाई जोड दिन थालेको छ ।
संस्थाले महिला आत्मनिर्भरका लागि कम खर्चमा घाँसबाट बुनिने ढकिया उत्पादनमा जोड दिन थालेको हो ।
ढकिया उत्पादन गरी महिलाले दुई सय ५० देखि पाँच सय रुपैयाँसम्म विक्री गर्ने गरेको संस्थाका व्यवस्थापक कौशीकुमारी बोहोराले निशाना न्युजलाई जानकारी दिइन ।
उत्पादन गरेको ढकिया सुदुरपश्चिम र काठमाण्डौंसम्म खपत हुने गरेको उनले बताइन् । ढकिया उत्पादनबाट महिला आत्मर्भिर बन्न सक्ने भएकोले त्यसमा महिलालाई सहभागिता गराइने उनले बताइन् ।
३०० समुह रहेको र काम गर्न सक्ने शेयर सदस्यले समुहमार्फत तीन लाखसम्म ऋण लिन सक्ने व्यवस्था रहेको उनले बताइन ।
साढे चार हजारको लगानीमा २०५८ सालमा सहकारी संस्थाको स्थापना गरिएको हो । अहिले शेयर सदस्य एक हजार सात सय रहेको र पुँजी एक करोड पाँच लाख ६२ हजार पाँच सय रहेको छ ।
सो सहकारीको निक्षेप संकलन चार करोड ३४ लाख ३० हजार ८९२ रहेको छ । झोला उत्पादनलाई पनि संगै लगेका छौ, व्यवस्थापक बोहोराले भनिन माग अनुसार झोला बनाउने गरेका छौं ।
सामाजिक अध्ययन केन्द्रसँगको सहकार्यमा रैथाने बालीको संरक्षणमा पनि जोड दिदै गरेको उनले बताइन् ।
कृषि, व्यापार, शिक्षामा चार करोड ९१ लाख २२ हजार ६५४ रुपैयाँ लगानी गरेको छ उनले भनिन पछिल्लो समय बालबालिकालाई वाल क्लव मार्फत वालसंस्कार सिकाउन शुरु गरेका छौ ।
संस्थाबाट तीन लाख ऋण लिएर चम्फा बोहोरा सिलाई कटाई पेशा गर्दै आएकी छिन् । अहिले उनले सो पेशाबाट राम्रो आम्दानी गर्दै आत्मनिर्भर भएकी छिन,वोहराले भनिन्– यस्तै गरी बेला चौधरीले तरकारी खेतीबाट राम्रो आम्दानी गरिरहेकी छन् ।