धनगढी- नेपाली कांग्रेसका केन्द्रीय सदस्य एवं पूर्व मन्त्री एनपी साउदलाई भाइरल ज्वरोको संक्रमण देखिएको छ । कैलाली र कञ्चनपुरका विभिन्न चुनाव केन्द्रीत सभा समारोहमा भाग लिने क्रममा बुधबार उनी अस्वस्थ्य भएका थिए ।
आगामी मंसिर ४ गते हुने आम निर्वाचिनको तयारी स्वरुप नेपाली कांग्रेसले सञ्चालन गरेको ‘जनताको साथमा कांग्रेस’ अभियानमा नेता साउँदलाई केन्द्रीय प्रतिनिधिको रुपमा कैलाली खटाएको थियो । सोही अनुसार उनी कैलालीका विभिन्न कार्यक्रममा सहभागी भएर गृह जिल्ला कञ्चनपुर पुगेका थिए । त्यहाँँ उनलाई भाइरल ज्वरोको संक्रमण देखिएपछि अस्वस्थ्य भएका थिए ।
उनको स्वास्थ्यप्रति चौतर्फी चासो र चिन्ता व्यक्त भएपछि बुधबार साझ साउदले फेस बुकमा स्ट्याटस लेख्दै आफुलाई भाइरल ज्वरोको संक्रमण भएको र चिकित्सकले घरमै आराम गरेर औषधि सेवन गर्न सल्लाह दिएको जानकारी गराएका छन् ।
