धनगढी– यातायात व्यवसायीहरुको समस्या समाधानका लागि सरकार गम्भिर नभएको एक कार्यक्रमका बक्ताहरुले आरोप लगाएका छन् ।
बुधबार धनगढीमा आयोजित खप्तड मालिका यातायात प्रालिको दोस्रो साधारणसभा कार्यक्रममा बोल्ने बक्ताहरुले यातायात व्यवसायीले पछिल्लो पटक धेरै समस्या झेल्नु परेकाले समस्या समाधानका लागि सरकार गम्भिर बन्नुपर्ने बताए ।
कार्यक्रममा बोल्दै धनगढी उपमहानगरपालिका–३ का वडाध्यक्ष राजबहादुर ऐरले यातायात व्यवसायलाई मर्यादित बनाउन आवश्यक रहेको बताए । उनलेसरकारले यातायात व्यवसायीका समस्या समाधानका लागि अग्रसर हुनुपर्ने बताए ।
खडकबहादुर मल्लको अध्यक्षतामा भएको कार्यक्रममा नेपाल यातायात स्वतन्त्र मजदुर संगठनका देबीलाल जोशी, नेपाल यातायात मजदुर संगठनका प्रतिनिधि लगायतले साधारणसभाको सफलताको शुभकामना व्यक्त गरेका थिए ।
