धनगढी– खप्तड मालिका यातायात प्रालिको अध्यक्षमा दिलबहादुर खोलाउला चयन भएका छन् । बुधबार धनगढीमा आयोजित खप्तड मालिका यातायात प्रालिको दोस्रो साधारणसभाले खोलाउलालाई अध्यक्षमा चयन गरेको हो ।
सो साधारणसभाले सञ्चालकमा नरबहादुर थापामगर, दिनेश चौधरी, नरेश भट्ट, शालिकराम भट्ट, अमृतप्रताप सिंह, जितबहादुर विक गरी ७ जनालाई चयन गरेको छ ।
सो साधारणसभाको उद्घाटन कार्यक्रममा यातायात व्यवसायीहरुको समस्या समाधानका लागि सरकार गम्भिर नभएको गुनासो गरिएको थियो । यातायात व्यवसायीले पछिल्लो पटक धेरै समस्या झेल्नु परेकाले समस्या समाधानका लागि सरकार गम्भिर बन्नुपर्ने धनगढी उपमहानगरपालिका–३ का वडाध्यक्ष राजबहादुर ऐरले बताउ ।
उनले यातायात व्यवसायलाई मर्यादित बनाउन आवश्यक रहेको बताए । उनले सरकारले यातायात व्यवसायीका समस्या समाधानका लागि अग्रसर हुनुपर्ने बताए ।
खडकबहादुर मल्लको अध्यक्षतामा भएको कार्यक्रममा नेपाल यातायात स्वतन्त्र मजदुर संगठनका देबीलाल जोशी, नेपाल यातायात मजदुर संगठनका प्रदेश उपाध्यक्ष जीतबहादुर जैगडी लगायतले साधारणसभाको सफलताको शुभकामना व्यक्त गरेका थिए ।
