कञ्चनपुर– कञ्चनपुरमा सर्पको टोकाइबाट एक जनाको मृत्यु भएको छ । जिल्लाको बेदकोट नगरपालिका–१० दैजीकी अन्दाजी १८ वर्षीया पुष्पा दमाईको सोमबार मृत्यु भएको हो।
घरमै सुतेको बेला पुष्पा बेहोस अवस्थामा फेला परेपछि आफन्तले उपचारका लागि अस्पताल लैजाने क्रममा मृत्यु भएको जिल्ला प्रहरी कार्यालय कञ्चनपुरका प्रहरी नायब उपरीक्षक चक्रबहादुर शाहले बताए।
उनका अनुसार शव परीक्षणका लागि महाकाली अस्पताल महेन्द्रनगरमा राखिएको छ। यस्तै सर्पको टोकाईबाट उनकी आमा अन्दाजी ४८ वर्षीया मञ्जु देवी दमाईलाई पनि घाइते भएकी छन् । उनलाई समेत यही भदौ १८ गते बिहान सुतिरहेको बेला घाँटीमा सर्पले डसेको थियो।
महाकाली प्रादेशिक अस्पताल महेन्द्रनगरको सघन उपचार कक्षमा मञ्जुको उपचार भइरहेको प्रहरीले बताएको छ।
