काठमाडौँ- नेपालमा पछिल्लो २४ घण्टामा २२७ जनामा कोरोना संक्रमित थपिएका छन् । ४ हजार ४०१ नमुना परीक्षणमा २२७ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार १ हजार ५१८ पीसीआर परीक्षणमा १३७ र २ हजार ८८३ एन्टिजेन परीक्षणमा ९० जनामा पोजिटिभ देखिएको हो । २४ घण्टामा १६८ जनामा निको भएका छन् भने सोही अवधिमा १ जनाले ज्यान गुमाएका छन् । बिहीबारसम्म सक्रिय संक्रमितको संख्या २ हजार ४७३ पुगेको छ।
