धनगढी । कैलालीमा लागु औषध सहित एक जना प्रहरीले पक्राउ गरेको छ । कैलालीको धनगढी उप-महानगरपालिका वडा नं .३ त्रिनगर ब्यारेल नजिक वडा प्रहरी कार्यालय धनगढीबाट प्र.नि. योगेश खत्रीको कमाण्डमा खटि गएको प्रहरी टोलीले जिल्ला डोटी दिपायल सिलगढी नगरपालिका वडा नं. ६ घर भई हाल धनगढी उप-महानगरपालिका वडा नं. ०१ त्रिवेणी चोक कोठा गरी बस्ने बर्ष १८ को अनुरोध श्रेष्ठलाई पक्राउ गरेको हो ।
उनलाई शंका लागि चेकजाँच गर्दा निजको साथबाट ६०१ मिलिग्राम लागु औषध खैरो हेरोईन फेलापारी बरामद गरी श्रेष्ठलाई नियन्त्रणमा लिई यस कार्यालयको हिरासत कक्षमा राखी अनुसन्धान भइृरहेको जिल्ला प्रहरी कार्यालय कैलालीका प्रहरी नायब उपरीक्षक कबिन्द्र सिंह बोहरा ले जानकारी दिए ।
निजले बोकेको सामानहरु सुक्ष्म रुपमा चेकजाँच गर्दा साबुन भित्र लुकाई-छिपाई राखेको ५ ग्राम ४३० मिलिग्राम लागु औषध खैरो हेरोईन गरी जम्मा ६ ग्राम ३१ मिलिग्राम लागु औषध खैरो हेरोईन फेलापारी बरामद गरेको उनले बताए ।
