धनगढी । धनगढीस्थित देशकै विशिष्ठ सहकारी संस्था नवजीवन सहकारी संस्थाका अध्यक्ष देवबहादुर बम राष्ट्रिय आवास विशिष्टिकृत सहकारी संघको प्रथम उपाध्यक्षमा निर्वाचित भएका छन् ।
शुक्रबार काठमाण्डौँमा सम्पन्न राष्ट्रिय आवास विशिष्टिकृत सहकारी संघको चौथो अधिवेशनबाट बम प्रथम उपाध्यक्षमा निर्विरोध निर्वाचित भएका हुन् ।
देशका १ अर्ब बढी लगानी भएका ठूला २५ सहकारी रहेको राष्ट्रिय आवास विशिष्टिकृत सहकारी संघमा सुदूरपश्चिमबाट दुई वटा सहकारी आवद्ध छन् । धनगढीको नवजीवन सहकारी र किसान बहुउद्देशिय सहकारी संस्था सघंमा आवद्ध छन् । अध्यक्ष,दुई उपाध्यक्ष, महासचिव, कोषाध्यक्ष र ४ सदस्य सहित ९ सदस्यीय समितिमा बम प्रथम उपाध्यक्ष बनेका हुन् । सघंको अध्यक्षमा बिन्दबासिनि सहकारीका पूर्वअध्यक्ष प्रदीप थापा निर्वाचित भएका थिए ।
