कैलाली। सुदुरपश्चिम प्रदेशको ३ जिल्लाबाट लागु औषध सहित ७ जनालाई प्रहरीले पक्राउ गरेको छ । कैलालीको धनगढीबाट २ जना , कञ्चनपुरको भिमदत्त बाट १ जना र अछामबाट ४ जनालाई प्रहरीले पक्राउ गरेको जनाएको छ ।
बुधबार साँझ कैलाली, धनगढी १ अदालत रोडबाट सोही ठाउँ बस्ने बर्ष २५ को किरण नेपाली र वर्ष २५ को बसन्त परियारलाई १९० मिलिग्राम लागू औषध खैरो हेरोइन जस्तो देखिने धुलो पदार्थ सहित जिल्ला प्रहरी कार्यालय कैलालीबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको छ ।
कञ्चनपुर, भिमदत्त ४ बसपार्कबाट जिल्ला बैतडी, सिगास गा।पा।३ बस्ने बर्ष २६ को जनक सिह ढाँटलाई ०।१२ ग्राम लागू औषध खैरो हेरोइन जस्तो देखिने धुलो पदार्थ सहित लागू औषध नियन्त्रण ब्युरो शाखा महेन्द्रनगर र अस्थायी प्रहरी बिट बसपार्क, कञ्चनपुरबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको छ ।
त्यस्तै बुधबार साँझ नै अछाम, मंगलसैन न.पा.५ मंगलसैन बजारमा सोही ठाउँ बस्ने बर्ष २२ को प्रकाश बिश्वकर्मा, बर्ष २२ को अर्जुन
सुनार, बर्ष २२ को कर्ण प्रसाद ढुङ्गाना र बर्ष १९ को अर्जुन सुनारको शरिर चेकजाँच गर्दा प्रकाश बिश्वकर्माको साथबाट ट्रामाडोल९ ४२ क्याप्सुल, प्रिगाभा९ ८ क्याप्सुल, ईभा ५ क्याप्सुल र अर्जुन सुनारको साथबाट प्रिगाम्लिन ७४ क्याप्सुल लागू औषध बरामद भएकोमा बरामद पदार्थ र चारै जनालाई जिल्ला प्रहरी कार्यालय अछाम र प्रहरी चौकी मंगलसेन, अछामबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको रहेको जनाएको छ ।
