कैलाली । डा. भीम रावलले आफुहरु राष्ट्रहितलाई केन्द्रमा राखेर सबैसंग छलफल गरी अघि बढ्ने बताएका छन । आज धनगढी बिमानस्थलमा पत्रकारहरुको प्रश्नको उत्तर दिदै उनले सो कुरा बताएका हुन ।
हामीले सबै संग छलफल अगाडी बढाएका छौ निजोडमा जे आउछ सोही अनुरुप पार्टी निर्माण गरिने उनका्े भनाई छ । ‘नेपालमा विभिन्न समूहहरू छ्न् । नागरिक, बुद्धिजीवी, राजनीतिक दलसँग आवद्ध व्यक्तिहरू छन् । उहाँहरूसँग छलफल गरेर अघि बढ्छु । मैले भनेकै हुनुपर्छ भन्ने छैन । सबैसँग छलफल गरेर नै अघि बढ्ने हो । हामीले आफ्नो नीतिसहित अभियान सुरू गरेका छौं । अब छलफलको क्रममा सबैसँग हामी खुला छौं ।’ भीम रावलसँगै एमालेका स्थायी कमिटी सदस्य कर्ण थापा पनि धनगढी पुगेका छन् । आज धनगढी पुगेका रावल र थापा श्रीएयर लाइन्सको जहाजको एउटै ‘ सिटमा बसेर धनगढी आवतरण गरेका हुन् ।
रावलसँगै बसेका थापा प्रफुल्ल मुद्रामा देखिएका छन् । उनीहरु सँगैसँगै यात्रा गर्नुको पछाडिलाई एमालेभित्रको राजनीतिक कोर्षलाई महत्पूर्ण ढंगले हेरिएको छ भने कतिपयले संयोगको यात्रा ठानेका छन् ।
धनगढी विमानस्थलबाट सरकारी गाडीबाट धनगढी आएका रावललाई उनका समर्थकहरुले विमानस्थलमा भव्य स्वागत गरेका थिए । एमालेमा रावललाई कारवाही गर्नुहुन्न पक्षमा थापा थिए । जुनकारण थापा र रावलको जहाजको सँगैसँगैको यात्रालाई महत्पूर्ण ढंगले हेरिएको हो ।
