धनगढी । कैलालीमा लागुऔषध खैरो हिरोइनसहित ५ जना पक्राउ परेका छन् । जिल्लाको धनगढी उपमहानगरपालिका–३ त्रिनगर ब्यारेलस्थित भारतबाट नेपाल तर्फ आउँदै गरेको सुदूरपश्चिम प्रदेश ०१–०१२ प ५४७५ नम्बरको मोटरसाइकललाई शंका लागि चेकजाँच गर्दा चालक धनगढी उपमहानगरपालिका–६ बस्ने २८ वर्षीय आदित्य रानालाई २ ग्राम ८६० मिलिग्राम लागूऔषध खैरो हेरोइन जस्तो देखिने धुलो पदार्थ सहित मोटरसाईकल र रानालाइ शनिवार जिल्ला प्रहरी कार्यालय कैलालीबाट खटिएको प्रहरी टोलीले नियन्त्रणमा लिएको प्रहरीले जनाएको छ ।

त्यस्तै,लागूऔषध खैरो हेरोईनको कारोबार भईरहेको छ भन्ने सूचनाको आधारमा कैलालीको घोडाघोडी नगरपालिका–७ हरिनगरबाट २५ वर्षीय लक्ष्मण चौधरीको घरबाट १५ ग्राम ६० मिलिग्राम लागूऔषध खैरो हेरोइन जस्तो देखिने धुलो पदार्थ सहित लक्ष्मण चौधरीसहित सोही ठाउँ बस्ने २५ वर्षीय राम चौधरी, २७ वर्षीय दुर्गेश चौधरी र रुपन्देहीको बुटवल उपमहानगरपालिका–३ बस्ने ३५ वर्षीय रमेश कार्की गरि चार जनालाई इलाका प्रहरी कार्यालय सुखड र अस्थायी प्रहरी पोष्ट हरिनगरबाट खटिएको संयुक्त प्रहरी टोलीले नियन्त्रणमा लिएको जिल्ला प्रहरी कार्यालयका प्रवक्ता कवीन्द्र बोहराले जानकारी दिए ।