धनगढी । कैलालीबाट भन्सार छलीका सामान बरामद गरिएको छ ।
जिल्लाको गोदावरी नगरपालिका–४ वनदेवी मन्दिर नजिक, टीकापुर नगरपालिका–७ नारायणपुर र भजनी नगरपालिका–३ काँडाबाट अवैध रुपमा भारतबाट भन्सार छली गरि ल्याएका अन्दाजी मूल्य ३ लाख ९६ हजार ८७० बराबरको भन्सार छलीका सामान बरामद गरिएको प्रहरीले जनाएको छ ।
उक्त मूल्यका प्याज, चिनी, बिडी, सुर्ती, महिला/परुषको कपडा, चियापत्ती, पेय पदार्थ, खुर्सानी, तरकारी, मोटरसाइकलको ब्यारिङ, भारतीय नम्बरको मोटरसाइकल लगायतका सामान जिल्ला प्रहरी कार्यालय कैलाली मातहत कार्यालयबाट खटिएको प्रहरी गस्ती टोलीले बेवारिसे अवस्थामा फेला पारी नियन्त्रणमा लिएको जनाइएको छ ।
