धनगढी । कैलालीमा एक घरमा आगलागी हुँदा २ लाख बढीको क्षति भएको छ ।
जिल्लाको टीकापुर नगरपालिका–६ पानीमुला बस्ने महा लुहारको काठले बनेको टिनले छाएको २ कोठे कच्ची घरको भान्सा कोठाको चुलोमा बालेको आगोबाट शनिबार आगलागी भएको सुदूरपश्चिम प्रदेश प्रहरी कार्यालय धनगढीले जनाएको छ ।
आगलागीबाट लुहारको घर र घर भित्र रहेका खाद्यान्न, भाडावर्तन, लत्ताकपडा लगायतका सामानहरू गरी करिब २लाख ५० हजार मूल्य बराबरको क्षति जनाइएको छ।
