धनगढी । कैलालीको घोडाघोडी बहुमुखी क्याम्पसको स्वतन्त्र विद्यार्थी युनियनमा अनेरास्ववियुका अशोक गौतम विजयी भएका छन् । आइतबार सम्पन्न मतगणनाको नतिजाअनुसार अनेरास्ववियुका गौतम विजयी भएका हुन् ।
गौतमले ६७० मत ल्याएर विजयी भएका छन् । उनका निकटतम प्रतिष्पर्धी अखिल क्रान्तिकारीका गणेश भण्डारीले ४२८ मत ल्याएका छन् । सचिवमा नेविसंघका प्रविण भण्डारी ५५५ मतसहित विजयी भएका छन् । उनीसँग नेकपा एकीकृत समाजवादीनिकट अनेरास्ववियूका भुवनराज जैसी ४९० मत ल्याएर पराजित भए ।
कोषाध्यक्षमा अनेरास्ववियुका सञ्जीवकुमार चौधरी ५६९ मतसहित विजयी हुँदा अखिल क्रान्तिकारीकी यालिशाकुमारी कुँवर ४१६ मतसहित पराजि भइन् । यो क्याम्पसमा विगतमा अखिल क्रान्तिकारीले स्ववियुमा जित निकाल्ने गरेको थियो ।
