धनगढी । कञ्चनपुरमा चट्याङमा परेर श्रीमतीको मृत्यु भएको छ भने श्रीमान गम्भीर घाइते भएका छन् ।
जिल्ला प्रहरी कार्यालय कञ्चनपुरका अनुसार जिल्लाको शुक्लाफाँटा नगरपालिका–१२ तिल्कीकी २४ वर्षीय लालमती रानाको ज्यान गएको हो । सँगै रहेका २८ वर्षीय श्रीमान रतनसिंह राना घाइते भएका छन् । राना दम्पति आइतबार बिहान हावाहुरीसँगै परेको चट्याङमा परेका हुन् ।
रतनलाई उपचारको लागि धनगढी ल्याइएको प्रहरी जनाइएको छ । बगरमा लगाइएको तरकारी टिप्न राना दम्पती बगर बारीमा पुगेका थिए। लालमति गर्भवती समेत रहेकी बताइएकाे छ।
