धनगढी । कैलालीमा स्कारपियोले मोटरसाइकललाई ठक्कर दिँदा एक जनाको मृत्यु भएको छ।
आइतबार जिल्लाको भजनी नगरपालिका–७ चर्रा गणेशमान चोकस्थित हुलाकी सडक खण्डमा पश्चिमबाट पूर्वतर्फ गइरहेको युपी–३१–एयु–७३२० नम्बरको भारतीय मोटरसाइकललाई विपरीत दिशाबाट आइरहेको बिएबी ४५९२ नम्बरको स्कारपियो जिपले ठक्कर दिँदा मोटरसाइकल चालक भजनी नगरपालिका–७ का २० वर्षीय कुल्दिप धोबीको मृत्यु भएको हो।
सुदूरपश्चिम प्रदेश प्रहरी कार्यालय धनगढीका अनुसार स्कारपियोको ठक्करबाट गम्भीर घाइते भएका धोबीको उपचारको लागि नवजीवन अस्पताल धनगढी लगिएकोमा उपचारको क्रममा मृत्यु भएको हो ।
स्कारपियो र स्कारपियो चालक बाँकेको कोहलपुर नगरपालिका–२ का ४३ वर्षीय शेरबहादुर बिश्वकर्मालाई नियन्त्रणमा लिइएको प्रहरीले जनाएको छ ।
