धनगढी- धनगढीमा भरखरै एक स्कारपियो जीपले मोटरसाइकल र साइकललाई ठक्कर दिँदा ४ जना घाइते भएका छन् । धनगढी उपमहानगरपालिका–५ मा सहिदगेट–क्याम्पस चोक सडकको बाल्मकी स्कुल अगाडी आज (बिहीबार) साँझ ५:४० बजे से १ च २०६९ नम्बरको स्कारपियो जीपले सुप्रप ०११–००९–प–९६७२ नम्बरको मोटरसाइकल र एउटा साइकललाई ठक्कर दिएको वडा प्रहरी कार्यालय, धनगढीले जानकारी दिएको छ ।
घाइतेहरुलाई तत्काल निसर्ग अस्पताल पुर्याइएको छ । घटनास्थलमा रहेका वडा प्रहरी कार्यालय, धनगढीका इन्चार्ज, प्रहरी निरीक्षक उपेन्द्र बमले घाइतेहरुलाई तत्काल उपचारका लागि अस्पताल पुरयाइएको र थप अनुसन्धान अगाडी बढाइएको बताए ।
